A morte e papà è venute

di Ennio Abate

Frate do mie, nun siente?

A morte e papà è venute.

L’aucielle se n’è gghiute: fujette ncopp’o chiuppe, fujette all’agunie;

scennette chianu chiane, po cchiù nziste o tempurale tutt’o munne murette ca isse suppurtave.

A povera mamma noste,

muzzecate da pazzia,

chiagne e scappe pa vie,

nnanze e deret’a case,

co cirvielle scummugliate.

Smania dint’a lu liette;

e sule o velene tocche,

ch’a morte ce lasciaje.

Mo o vviente scete e muorte,

menanne int’a cunette

sciure carte e canzone.

(2004)

* Fratello mio, non senti?| La morte di nostro padre è arrivata./ L’uccello se n’è andato:| fuggì sopra il pioppo,| fuggì dalla [sua] agonia;/ scese piano piano,| poi più forte il temporale;| morì tutto il mondo| che egli sopportava./ La nostra povera madre,| morsicata dalla pazzia,| piange e scappa via,| davanti e dietro la casa,| col cervello scoperchiato./ Smania dentro il letto;| e si nutre solo del veleno,| che la morte ci ha lasciato./ Ora il vento risveglia i morti,| trascinando dentro le cunette| fiori, carte e canzoni.

*Disegno del 2016 di Tabea Nineo