O requiemm pe Franch’Alfane

di Ennio Abate

Sette ‘e figlie e zi’ Assuntine.
Franch’Alfane, o raggiuniere,
o primm’ere e tutt’e quante.

Proprie ‘nzicch’a Lungomare,
‘nfront’ e palme, ‘nfront’o mare,
mamma noste quacch’e vote

cumm’in chiese nge purtave
dint’a banche silenziose
pe parlà cu stu nipote.

Che diceve? Nunn’o saccie.
Cert’i ccose ae piccirille
so accuvate o vanne perse.

Sule ropp’aggia capite
ca là dinte stu cuggine
faticave cui rinari.

Mmiezz’a guerre, dopp’a guerre
e cuntave e m’pacchettave
e sapeve a chi jevene a fernì

chi faceven’arrecchì, a chi
nu colpe o core nge facevene venì.
Mmente nuje, e’ piccirille

miezz’a vign’e zi’ Assuntine
sott’e foglie e verderamme
rirevame e pazziavame

stu cuggine già vereve
st’atu munne ca spuntave
e schiattave o munne nuoste

cuntadine e munaciuelle
pasturielle e pezzentielle.
E accussì, quanne turnave

ra Salierne ‘n filovia
e po a piere int’a campagne
p’arrivà a Casebbarone

a tristezze rint’o core
asceve fore ‘nziemm’a sere
e astutave tutt’e cose.

Astutave pure a voce
tutt’e cielle ro paese.
Mo’ ca e sorde anne cagnate

o paese e Franch’Alfane
mo che e cielle so fujute
e e palazze so crisciute

ie capische pecché triste
nge guardave stu cuggine.
Ere cumme nge veresse

già cresciute pure a nuie
a vagà pe n’atu munne
cumm’a lucciule sperdute.

Sette e figlie e zi’ Assuntine.
Primme e nuje Franch’Alfane ‘
n banche  canuscette a morte.


(1 marzo 2005)





Il requiem per Franco Alfano

Sette i figli di zia Assuntina / Franco Alfano, il ragioniere / era il primo di tutti quanti. // Proprio vicino a Lungomare, / di fronte alle palme e al mare, / nostra madre qualche volta / come in chiesa ci portava / nella banca silenziosa / per parlare con questo nipote. // Cosa diceva? Non lo so. / Certe cose ai bambini / sono nascoste o vanno perse. // Solo dopo ho capito / che là dentro 'sto cugino / lavorava con i denari. // In mezzo alla guerra, dopo la guerra, / li contava, l’impacchettava / e sapeva a chi andavano a finire, // chi arricchivano, a chi facevano venire un colpo al cuore. / Mentre noi, i bambini, // in mezzo alla vigna di zia Assuntina, / sotto le foglie [spruzzate] di verderame / ridevamo e giocavamo // mio cugino già vedeva / quest’altro mondo che spuntava / e schiacciava il  mondo nostro // di contadini e monaci / di pastori e povera gente. / E così, quando tornava // da Salerno in filovia / e poi a piedi attraverso la campagna, / per raggiungere Casalbarone, // la tristezza che aveva in cuore / usciva fuori e assieme alla sera /smorzava tutte le cose. /Smorzava anche le voci / [smorzava] tutti gli uccelli del paese. / Ora che i soldi hanno cambiato // il paese di Franco Alfano / ora che gli uccelli sono fuggiti / e i palazzi sono cresciuti // capisco perché triste / ci guardava questo cugino. / Era come se vedesse // anche noi già cresciuti/ vagare per un mondo diverso / come lucciole smarrite. // Sette i figli di zia Assuntina./ Prima di noi  Franco Alfano / in banca conobbe la morte.